Arbeidet med å tilsetje ny dagleg leiar for Årdal Teknologipark er i full gang. I mellomtida er vi så heldige og få Are Indrelid med på laget fram til ny dagleg leiar er på plass i laupet av sumar/haust 2026.

Are har i fleire år arbeidd tett på Årdal Teknologipark gjennom stillinga si ved Årdal Metallverk innan kommunikasjon og næringsutvikling. I fyrste halvåret av 2026 er det Are som vil ha ansvaret for å forme selskapet inn i framtida, som no i tillegg til Årdal Teknologipark består av «Energihuset» (tidlegare bygget til Årdal Energi Holding) og «Hydrobygget» ( lager/kantinebygget, tidlegare bygget til Hydro Årdal Metallverk).

Are fortel følgjande om arbeidet som dagleg leiar og røper fleire endringar framover:

«Dette er ei spennande og motiverande oppgåve, då det «nye» selskapet som får namnet «Årdal Teknologi- og Næringspark» vil få ei viktig rolle innan næringsutviklinga i Årdal med tanke på koordinering av prosjektaktivitet og kompetansemiljøa. Ein vil også få ein viss økonomisk muskel som kan bidra til realisering av større prosjekt», kan Are avsløre.

Årdal Teknologi- og Næringspark er eit samarbeid mellom Årdal Utvikling, Årdal Energi Holding og Hydro Aluminium, tidlegare omtala som «Industripark-prosjektet.

“Eg har stor tru på dette samarbeidsprosjektet, sidan det sit svært mykje kompetanse som vi kan dra på hos eigarane. Fram til permanent dagleg leiar er på plass, vil oppgåva mi være å rigge selskapet, få på plass system og rutinar, starte marknadsføring og kommunikasjon mot eksisterande og nye nettverk, slik at den nye leiaren slepp å starte heilt i frå botn av», utdjupar Are.

I nær framtid vil vi dele meir om status for arbeidet med Årdal Teknologi-og næringspark som dei ovannemnte aktørane er godt i gang med, der kompetansemiljøet i Årdal Teknologipark spelar ei sentral rolle.

Ny midlertidig leiar for Årdal Teknologipark

Året 2025 - Årdal Teknologipark