75 deltakarar fylte auditoriet i Årdal Teknologipark under nettverkslunsjen om utvikling og omstilling i Årdal. Der fikk vi høyre siste nytt om status på Årdal kommune sin søknad som omstillingskommune, Årdal Teknologi og- Næringspark og den sosiale arenaen Å+.

Geir Hansen, dagleg leiar i Årdal Utvikling, kunne med stor glede kunngjere at den ferske statusen blei samrøystes vedtatt av næringsutvalet i Vestland fylke dagen i forkant. Dette betyr at Årdal kommune blir tildelt 5 millionar kroner årleg i ei planlagt 6-årig satsing, totalt ca 30 millionar kroner. Nyhenda blei motteken med jubel i salen, for no kan arbeidet verkeleg starte! Dette betyr at planane som Årdal kommune og Årdal Utvikling har arbeidd med fram til no kan i større grad bli satt i verk og handling.

Midlertidig leiar for Årdal Teknologipark, Are Indrelid, serverte siste nytt om Årdal Teknologi -og Næringspark som skal arbeide for å tiltrekke nye verksemder og samarbeide tett med lokalt næringsliv og næringstomter. Potensialet er enormt, seier Are Indrelid.

Til sist fekk salen betre kjennskap til og ei oppdatering på aktivitetane til Å+, som er ei stifting med fokus på å skape sosiale og faglege møtestader for unge vaksne mellom 18-40 år. Dersom du er i målgruppa eller sit i ei bedrift som kan nytte denne informasjonen i rekrutteringssamanheng for å tiltrekke deg arbeidskraft, er du hjarteleg velkomen til å ta kontakt for meir informasjon.

Som seg hør og bør på ein anledning som denne, blei lunsjen avslutta med ei skikkeleg festkake for å feire den innvilga statusen som omstillingskommune og moglegheitene det inneberer for Årdal kommune.

Nettverkslunsjen skal bidra til nettverksbygging, fagleg påfyll og vere ein møtestad mellom næringsliv, lokalsamfunn og innbyggjarar. Velkomen til neste nettverkslunsj i juni.

Rekorddeltaking på nettverkslunsj

Årdal Teknologipark søkjer dagleg leiar