Årdal Teknologipark
Eit moderne og attraktivt kontormiljø
Årdal Teknologipark har eit moderne og attraktivt kontormiljø, med fasilitetar for faste leigetakarar og utleige.
Bygget har auditorium for 70 personar og mange møterom i ulike størrelsar. Årdal Teknologipark har også ein topp moderne øvingsfabrikk med bio-lab, 3D-printarar, sveiserobot og Festo-fabrikk.
Årdal Visningssenter er også plassert her med Årdal si industrihistorie, samt eigne avdelingar for teknologi og bærekraft innan aluminiumsproduksjon.
Årdal Teknologipark er eit resultat av Årdal Utvikling sin “innovasjon og kompetansestrategi” vedteken i Strategisk Næringsplan 2017 - 2020. Årdal Teknologipark er eit verktøy for å skape ein arena for kompetanse og innovasjon, utvikle møteplassar gjennom etablering av nettverk og ta ein regional rolle på industriutvikling.
Nyttast av næringslivet og skulane
Årdal Teknologipark skal nyttast av næringslivet og skulane, og bedrifter kan teste, simulere og visualisere teknologiar, komponentar, produkt, løysingar, tenester og prosessar.
Vi har lett tilgang til ekspertise, utstyr og eigna lokale som vil gjere vegen frå konseptstadiet til marknadsintroduksjon enklare.
Gjennom dette arbeidet bidreg ein til berekraftig næringsutvikling med fokus på å legge til rette for høg livskvalitet gjennom blant anna gode utdanningsmoglegheiter, samt nye arbeidsplassar i eit variert og framtidsretta næringsliv.
Kart over området
